Í mesta lagi 22 næmingar skulu vera í flokkinum

Í mesta lagi 22 næmingar skulu vera í hvørjum flokki í fólkaskúlanum í framtíðini. Er næmingatalið størri, kann skúlaleiðarin í ávísum førum gera av ikki at býta flokkin í tveir flokkar

Tað samtykti løgtingið við triðju viðgerð fyrrapartin.

Broytingaruppskotið var frá einari samdari mentanarnevnd.

Ein meiriluti í mentanarnevndini skeyt annars í álitinum upp, at næmingatalið skuldi ikki fara upp um 24, og tað samtykti løgtingið eisini við aðru viðgerð.

Broytingin við triðju viðgerð var einmælt samtykt.

Lógin kemur í gildi skúlaárið 2025-26. Byrjað verður við 1. flokki, og síðani endaliga sett í gildi eftir níggju árum. 

Hoyr samrøðu, sum Sveinur Tróndarson gjørdi við Djóna Nolsøe Joensen, landsstýrismann, og Sólvit Nolsø, formann í mentanarnevndini, tá málið var endaliga samtykt við triðju viðgerð: