Pætur, Páll og Jonn tryggjaðu KÍ øll stigini

Pætur, Páll og Jonn tryggjaðu KÍ øll stigini
Páll Klettskarð skeyt tvey mál, meðan Pætur Petersen og Jonn Johannessen skutu hvør sítt í KÍ-sigri á B68 í dag. Aðrastaðni sleit EB/Streymur seg leysan úr botninum
Jonn Johannessen skeyt sítt fyrsta mál í ár í 4-0 heimasigri á B68
Mynd: Leit  
 
26.05.2024 - 16:56

Við 4-0 heimasigri á B68 hongur KÍ framvegis í toppliðunum, Víkingi og HB, ovast í bestu fótbóltsdeildini við monnum.

Páll Klettskarð skeyt tvey mál, meðan Pætur Petersen og Jonn Johannessen skoraðu hvør sítt ímóti skerdu toftamonnunum við Djúpumýru.

Pætur Petersen legði KÍ framum beint fyri steðgin, og seinni hálvleikur var ikki meir enn byrjaður, tá Páll Klettskarð økti til 2-0. Tá 67 minuttir vóru spældir, var Páll Klettskarð aftur upp á spæl við sínum 12. landskappingarmálið í ár, áðrenn Jonn Johannessen kom á talvuna fyri fyrstu ferð í 2024 og staðfesti sigurin. KÍ hevur nú vunnið seks dystir á rað og er nummar trý við 27 stigum. Víkingur og HB hava 30 stig.

 

Bragdaði hjá EB/Streymi

EB/Streymur sleit seg fyribils leyst úr botnstríðnum við tryggum 3-0 sigri á Skála við Margáir. Emil Weihe Joensen, Jens Erik Bruhn og Suni Herman Joensson Petersen skutu málini stutt fyri og stutt eftir steðgin.

Sundalagsmenn hava nú sjey stig - fýra meir enn B68 og ÍF undir niðurflytingarstrikuni, meðan trý stig eru upp til Skála á 7. plássi.

 

 

 

Er kopiera
Nýggjastu sendingar í ÚV
Týsdag 25. juni
Morgunlestur týsdagur 25. juni 2024
177127
Mánadag 24. juni
Biltúrurin 2: Koyrt verður í Sumba
176599
Mánadag 24. juni
Áki flúktaði KÍ úr FM stríðnum
177176
Mánadag 24. juni
Søgan um Hank Williams (2:8)
176855
Mánadag 24. juni
EM-tíðindi: 24. juni
177168
Nýggjastu sendingar í SV
Leygardag 22. juni
Video: 5mf kvinnur, Jóansøka 2024
177125
Leygardag 22. juni
Video: 10mf, Jóansøka 2024
177123
Leygardag 22. juni
Video: 6mf_menn, Jóansøka 2024
177120