Jákup á Borg gevst í B68 - formaðurin farin frá

Jákup á Borg gevst sum høvuðsvenjari í B68, tá kappingarárið er av. Tað er ov ófriðaligt í felagnum, sigur venjarin við frihedsbrevet.fo.

 - Eg skrivaði undir í trý ár, tí eg helt veruliga, at tað var nakað at byggja víðari á. Men eg tími ikki hetta órógvið rundan um B68, so tí havi eg boðað frá, at eg verið bara árið út, sigur Jákup á Borg við Frihedsbrevet.

Tað hevur verið óvissa um fíggjarligu viðurskiftini í felagnum á Toftum seinastu árini. Millum annað hevði felagið eitt stórt undirskot upp á 800.000 krónur í 2022. Stuðulsavtala var gjørd við litaviska felagið, MB Ibeta, sama ár, men tær 400.000 krónurnar, sum B68 skuldi fáa frá litavska felagnum komu ongantíð, siga keldur við frihedsbrevet.

Høgni Petersen gjørdist formaður í B68 í fjør. Hann er eisini stjóri í felagnum Skákinum, sum stendur fyri stórari íbúðarætlan á Toftum í samstarvið við júst MB Ibeta. Í grein mánadagin skrivaði Frihedsbrevet, at verkætlanin tykist vera steðgað upp, og sama dag fór Høgni Petersen frá sum formaður í B68.

Felagið skal tí velja nýggjan formann og nevnd á aðalfundinum, sum eftir ætlan skal vera 11. september.