Samráðingar slitnaðar millum Maskinmeistarafelagið og Fíggjarmálaráðið

Samráðingarnar millum Maskinmeistarafelagið og Fíggjarmálaráðið um sáttmálan viðvíkjandi Strandferðsluni eru steðgaðar upp, og Maskinmeistarafelagið hevur sent boð eftir Semingsstovninum.

Hinar sáttmálasamráðingarnar, sum Maskinmeistarafelagið hevur, eru um sáttmálarnar við interkommunalu felagsskapirnar IRF og SEV, sáttmálin fyri alment settar maskinmeistarar á landi og sáttmálarnir fyri maskinmeistararnar hjá Vørn og Havstovuni.

Umframt Fíggjarmálaráðið er Kommunala Arbeiðsgevarafelagið eisini partur av nøkrum av hesum sáttmálasamráðingunum.

Umleið 20 fólk eru fevnd av Strandferðslu-sáttmálanum millum Maskinmeistarafelagið og Fíggjarmálaráðið. Leiðirnar, talan er um, eru Suðuroyarleiðin, Nólsoyarleiðin, Hestleiðin og Kalsoyarleiðin.

Hoyr samrøðu við Arnfinn Bech, formann í Maskinmeistarafelagnum.