Lýsa umstøðurnar hjá fosturforeldrum

Nú skulu umstøðurnar hjá fosturforeldrum lýsast.

Granskingarráðið hevur játtað meira enn 200.000 kr. til at gera spurnakanning, sum skal lýsa lutin at vera fosturforeldur.

Tað er Fosturforeldrafelagið, sum stendur fyri kanningini.

- Lítil vitan er um umstøðurnar hjá fosturforeldrum, og tí vilja vit seta sjóneykuna á tað, sigur Annlis Bjarkhamar, forkvinna í felagnum:

Hagtalsfrágreiðingin frá Barnaverndarstovuni fyri 2023 er ikki komin enn, men tølini fyri 2022 vísa, at tað eru 94 fosturforeldur.

104 børn eru sett heiman, og av teimum eru 80 prosent til fosturs og búgva burturav hjá fosturfamiljum.

20 prosent eru á barnaverndarstovni.

Harumframt eru umleið 60 børn til umlætting fastar dagar hvønn mánað.