Seks mánaða treytaleysa fongsulsrevsing fyri at smugla hassj

Ein maður er í Føroya rætti í dag dømdur sekur í at hava smuglað trý kilo av hassji til Føroya.

Hann er dømdur seks mánaða treytaleysa fongsulsrevsing, og hald verður lagt á bæði hassjið og bilin, sum hann smuglaði hassjið í.

Maðurin, sum kom við Norrønu úr Danmark í gjár, var tikin í tollinum, tí hassj var í bilinum.

Maðurin játtaði seg sekan í rættinum.

Hann er latin leysur, og hevur 14 dagar at umhugsa dómin.