Stoltenberg: Ungarn forðar ikki fyri Nato-stuðli til Ukraina

- Ungarn fer ikki at forða fyri hernaðarligum stuðli hjá Nato til Ukraina í sambandi við kríggið móti Russlandi.

Tað lovar Viktor Orbán, forsætisráðharri í Ungarn.

Jens Stoltenberg, Nato-aðalskrivari, var á vitjan í Ungarn í dag.

Dyggur stuðul

Orbán váttar, at Ungarn er ein dyggur stuðul hjá Nato, skrivar Reuters.

Ungarn er landið í ES, sum Russland hevur tættast samband við. Landið hevur bæði fyri ES og Nato víst aftur at lata Ukraina vápn.

Nato-londini skulu vera samd, og tí hevur Ungarn kunnað steðgað ætlanini um at lata Ukraina hernaðarútgerð ella annan stuðul til Ukraina.