Tunnilin undir Húsareyni verður seinkaður

Um eina viku ella so ber til at siga, hvussu nógv tunnilin undir Húsareyni í Havn verður seinkaður av verkfallinum, sum var.

Men tað er greitt, at tunnilin verður seinkaður.

Hvussu tíðarætlanin fer at síggja út, ber ikki til at siga enn, sigur Niclas Joensen, fíggjarstjóri í Articon, sum ger arbeiðið. Men hann væntar, at tað verður greitt um eina viku ella so.

- Vit vita, at tað verður seinkað, men avleiðingarnar av, at arbeiðið hevur ligið stilt í fýra vikur, síggjast ikki beinanvegin, sigur Niclas Joensen.

Ætlanin hevur verið, at tað skal vera koyrandi í tunlinum undir Húsareyni 1. november.