Advokatur: Einki at fara eftir 

Kristin Michelsen, borgarstjóri á Tvøroyri, fær neyvan viðhald í tí, at talan er um eitt ærumeiðandi lesarabræv, ella at onkur fer út um sítt talu- og skrivifrælsi.

Tað heldur Christian Andreasen, advokatur.

Kristin Michelsen fær heldur onga umbering fyri yvirskriftina í lesarabrævinum við heitinum "Kommunusamanlegging: ein fallos og annar".

 - Eg veit ikki, hvat eg skal biðja um umbering fyri, sigur Rósa Heinesen, ið skrivaði lesarabrævið í sambandi við fólkaatkvøðuna um kommunusamanlegging í Suðuroynni, sum verður leygardagin.

Í tíðindunum á døgurða segði Kristin Michelsen, at orðingarnar í lesarabrævinum hjá Rósu Heinesen eru so grovar og sexistiskar, at hann hevur vent sær til ein advokat.