122 lærarastørv leys í fólkaskúlanum næsta skúlaár

Nógv fleiri tíðaravmarkað lærarastørv eru í fólkaskúlanum enn lærarar og skúlaleiðarar, sum eru í farloyvi.

Skúlablaðið skrivar, at skúlarnir hava søkt eftir lærarum til 122 størv næsta skúlaár.

Talan er um 30 føst størv og 92 tíðaravmarkað størv.

Í fjør var søkt eftir fólki í 99 tíðaravmarkað størv.

Men tá vóru bara 34 lærarar og skúlaleiðarar í farloyvi. 

Tað vóru tí 65 fleiri tíðaravmarkað størv enn lærarar í farloyvi, skrivar Skúlablaðið. 

- Hvussu nógvir lærarar og skúlaleiðarar fara í farloyvi komandi skúlaár, er okkum ikki kunnugt, men ábendingar eru um, at teir eru ikki færri enn hetta skúlaárið, skrivar Skúlablaðið.