Føroysk skip hava landað 152.000 tons av svartkjafti uttanlands

Føroysk skip hava landað 152.000 tons av svartkjafti uttanlands í ár. 

Tað vísir ein uppgerð hjá Vørn, nú undantaksloyvi at landa svartkjaft uttanlands er farið úr gildi.

Føroysk skip hava fiskað tilsamans 365.000 tons av svartkjafti higartil í ár.

42 prosent

Harvið eru útvið 42 prosent av svartkjaftinum landað uttanlands.

Føroysk skip hava landað 50.000 tons av svartkjafti í Noregi, góð 47.000 tons í Íslandi, 46.000 tons í Danmark og góð 6.000 tons í Írlandi.

Av føroysku uppsjóvarskipinum hevur Christian í Grótinum landað mest uttanlands, hann hevur landað góð 27.000  tons av svartkjafti uttanlands í ár.

Fagraberg hevur landað góð 16.000 tons, Norðingur 13.000 tons og Finnur Fríði 12.000 tons.