Handtikin fyri at brúka dronu

Í Hvannasundi varð ein útlendingur handtikin fyri ikki at vilja upplýsa fyri politinum, hvør viðkomandi var. Tað gevur eina bót upp á 1000 krónur, og tá talan er um útlendingar, skal bótin rindast á staðnum.

Ein annar útlendingur var afturhildin fyri at hava brúkt dronu í økinum. Hesin útlendingurin segði seg vera fríyrkis myndafólk, men ikki partur av nøkrum umhvørvisfelagsskapi, hóast viðkomandi fylgdist við fólkum úr einum umhvørvisfelagsskapi. Politiið legði hald á dronuna.

Dronur eru lættar at síggja, men tað kann vera trupult at finna dronuføraran. Tað gjørdi politiið undir drápinum, men tá tað í gjárkvøldið varð boðað frá, at ein drona fleyg yvir økinum, har deyða grindin lá, eydnaðist ikki at finna nakran dronuførara.