- Tíðindi, mentan og ítróttur
Kongshjúnini eru í Grønlandi
Kongshjúnini eru í Grønlandi
Í dag byrjar fyrsta almenna vitjanin hjá nýggju kongshjúnunum í Grønlandi
![](https://kvf.fo/sites/default/files/styles/grein-ovasta-mynd/public/mary_og_frirdikur.jpg?itok=wTbStj40)
Kongshjúnini vitja í Grønlandi í átta dagar.
29.06.2024 - 13:48
Fríðrikur kongur og Mary drotning skulu vitja Grønland í átta dagar, og tey skulu ferðast víða. Eitt nú skulu kongshjúnini vitja í Qaanaaq - fyrr kent sum Thule - har Fríðrikur kongur í 2000 var partur av Sirius-ferðini.
Tey skulu eisini vitja í Aasiaat, Qeqertarsuaq, Attu og Sisimiut, áðrenn leiðin tann 4. juli gongur til Nuuk. Haðani fara tey víðari til suðurgrønlands og skulu vitja í Narsaq og Qassiarsuk. Kongaliga vitjanin í Grønlandi endar um eina viku, 6. juli.
Ætlanin var, at Fríðrikur kongur og Mary drotning eisini skuldu vitja í Føroyum í summar, men orsakað av verkfallinum varð vitjanin útsett til næsta ár.
Nýggjastu sendingar í ÚV
Nýggjastu sendingar í SV