EM: Bridgekvinnurnar tveir sigrar higartil

EM: Bridgekvinnurnar tveir sigrar higartil
Kvinnurnar á bridgelandsliðnum vístu sera gott spæl í dystunum móti Italia og Ungarn í EM-kappingini, sum er í Herning. Føroyingarnir vunnu báðar dystirnar
Kvinnulandsliðið eftir fyrsta sigurin. Sitandi: Marjun Restorff og Maria V. Hansen. Standandi: Arnleyg Mikkelsen, Eva Sarita Berg. Birita T. Clementsen og Anna Paulina Olsen.
Mynd: Føroya Bridgesamband  
 
30.06.2024 - 14:00

Føroyska bridgelandsliðið við kvinnum er komið væl frá byrjan í EM-kappingini, sum er í Herning í hesum døgum.

Við góðum spæli hava føroysku kvinnurnar vunnið ímóti bæði Italia og Ungarn higartil í kappingini, har 21 lond kappast tilsamans, skrivar Bridgesambandið.

 - Nógvir dystir eru eftir, men longu nú halda vit, at úrslitini eru góð, og at tað er rætt, at Føroya Bridgesamband hevur sent kvinnulandslið til EM, sigur Óli Holm, sum er liðskipari.

Tað eru 20 ár síðan, at landsliðið við kvinnum var við til EM seinast.

Trý føroysk bridgelandslið eru við í EM-kappingini. Umframt kvinnurnar er opið lið, sum er tað besta liðið, og so veteranliðið, sum er liðið hjá spælarum eldri enn 64 ár.

Opna liðið liggur eitt sindur undir miðjuni í teirra raði, meðan vetaranlandsliðið eigur nøkur góð úrslit til góðar – liðið er á aftasta plássi.

Spæld vera tríggjar ferðir 16 spøl hvønn dag, og kappingin endar hósdagin.

Er kopiera
Nýggjastu sendingar í ÚV
Sunnudag 9. februar
Kallið: Avgerðin er røtt.
187469
Sunnudag 9. februar
Guðstænasta í kirkjuni á Leiti
187531
Sunnudag 9. februar
Bolero - 9. februar 2025
187530
Leygardag 8. februar
TEMAPLÁTAN 40: 'Heart', Heart, 1985
187494
Nýggjastu sendingar í SV
Sunnudag 9. februar
Guðstænasta úr kirkjuni á Leiti
187534
Fríggjadag 7. februar
Veðrið
187497
Fríggjadag 7. februar
Jazzygold og Løgmaður
187369
Fríggjadag 7. februar
Heim, kæra heim (3:3)
187463
Mikudag 5. februar
Dagur og vika - teknmálstulkað
187371