Prísirnir hækkaðir trý prosent seinasta árið

Prísvøksturin heldur fram.

Prísirnir eru hækkaðir trý prosent frá mai í fjør til mai í ár, skrivar Hagstovan. 

Útreiðslur til býli, tað er rentur og brenniolja, ávirka prísvøksturin mest. 

Matvøruprísirnir hækka framvegis, men ikki so skjótt sum seinastu tvey árini.

Neytakjøt, matarolja og kaffi eru bíligari nú enn í mai í 2023. Mjólk, ostur og egg eru vorðin minni enn eitt prosent dýrari. 

Miðalprísvøksturin í ES-londum er 2,6 prosent.

Størsti prísvøksturin er í Íslandi, har hann er 5,8 prosent. 

Í Svøríki er prísvøksturin 3,7 prosent. Í Noregi er hann trý prosent sum í Føroyum. Í Danmark er hann 2,2 prosent.

Minsti prísvøksturin er í Finlandi. Har er hann1,5 prosent.