655 tons eftir av kvotuni á Flemish Kap

655 tons eftir av kvotuni á Flemish Kap
Einki føroyskt skip er á Flemish Kap í løtuni. Klakkur, sum var á Flemish Kap, er farin at sigla heim
Klakkur, sum hevur roynt á Flemish Kap, er farin at sigla heim. (Savnsmynd)
 
18.07.2024 - 08:03

Nú eru 655 tons eftir av toskakvotuni á Flemish Kap í ár.

Kvotan er 2.617 tons. Og 1.962 tons eru fiskað, sigur Vørn.

Einki føroyskt skip er á Flemish Kap í løtuni. Klakkur, sum var á Flemish Kap, er farin at sigla heim.

Frystilínuskipini hava nú eginkvotur, so talan er ikki longur um at skunda sær at fiska, áðrenn felagskvotan, sum var, er uppi.

 

Eivind er eitt av frystilínuskipunum. Skipini hava nú eginkvotu á Flemish Kap. 

 

Størri kvota í ár

Kvotan er størri í ár enn hon var í fjør. Í fjør var toskakvotan 1.363 tons.

Limalondini í NAFO vóru samd um at loyva nógv størri heildarveiðu í ár.

Mest loyvda veiðan fór úr 6.000 tonsum í fjør upp í 11.700 tons í ár.

Føroyar eiga 22,35 prosent av heildarkvotuni. Tí vaks føroyska kvotan góð 92 prosent.

 

Útlitini góð

Á ársfundinum hjá NAFO, sum umsitir fiskastovnarnar á Flemish Kap, í fjør staðfestu limalondini, at útlitini fyri toskastovnin eru góð í ár og næstu ár. 

Umframt 2.617 tons av toski sleppa føroysk skip at fiska 193 tons av svartkalva og 69 tons av kongafiski á Flemish Kap í ár.

Rækjustovnarnir á Flemish Kap og Grand Bank eru framvegis illa fyri.

Tí verður heldur ikki loyvt at fiska rækju har í ár. 
 

Er kopiera
Nýggjastu sendingar í ÚV
Sunnudag 16. februar
Kallið: Vit mugu kenna ábyrgd
187771
Leygardag 15. februar
Jambalaja - 150225
187814
Leygardag 15. februar
Upp á tá - 140225
187806
Nýggjastu sendingar í SV
Leygardag 15. februar
Hondbóltur: H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762
Fríggjadag 14. februar
Veðrið
187798
Mikudag 12. februar
Merkja grind
187663
Týsdag 11. februar
Veðrið
187639