John Paul DeJoria farin úr Nuuk

John Paul DeJoria, skipið hjá Paul Watson og hansara fólkum, sum hevur ligið nakað sunnan fyri Nuuk, fór at sigla í morgun.

Sambært Vesselfinder er skipið á veg norðureftir.

John Paul DeJoria var á veg á Kyrrahavið at forða fyri japanskari hvalaveiðu har.

Japan hevur fingið nýtt skip, Kangei Maru, at veiða hval í Norðurkyrrahavi.

John Paul DeJoria fór inn í Nuuk at bunkra 21. juli.

Men har var Paul Watson handtikin.

Japan bað longu í 2010 um at fáa Paul Watson tiknan.

Hann er nú í varðhaldi í Nuuk. 

25 fólk eru við John Paul DeJoria.