Yvir 7000 børn í fólkaskúlanum

Í dag fara 740 børn í fyrsta flokk fólkaskúlans, 377 gentur og 363 dreingir.

Haraftat fara 298 børn í forskúla.

Sambært fyribils tølum hjá Undirvísingarstýrinum fara 7.200 børn í fólkaskúlan í hesum skúlaárinum.

231 børn eru skrásett at fara í serflokk, og níggju fara á Lopfjølina í skúlanum á Fløtum.

61 børn fara í skúlan á Trøðni, og 170 børn fara í teir tríggjar frískúlarnar.