Landið selur tveir bygningar í ár

Landskassin hevur selt tveir bygningar í ár, Oman Reyðhús 4 og 6 í Klaksvík.

Teir eru 168 fermetrar hvør.

Landsstýrismaðurin upplýsir ikki, hvussu nógv teir eru seldir fyri.

Fleiri almennir bygningar verða ikki seldir í ár, sigur hann.

Dennis Holm, landsstýrismaður, hevur svarað Honnu Jensen, løgtingskvinnu, sum spurdi, hvussu gongur at selja almennar bygningar.  

Landsverk varðar av teimum 200 bygningunum, sum landið eigur.

Teir eru, samanlagdir, 260.000 fermetrar.

Haraftrat leigar landið nógvar bygningar.

Hanna Jensen vísir á, at í álitinum um fíggjarlógina fyri 2024 skrivaði fíggjarnevndin, at inntøkujáttanin verður hækkað seks milliónir krónur til at selja bygningar, sum ikki er neyðugt at eiga.

Inntøkujáttanin er níggju milliónir krónur í ár.