328 fulltíðararbeiðsleys í juli

328 fulltíðararbeiðsleys í juli
Arbeiðsloysið er vaksið eitt lítið vet seinasta árið
Hóast arbeiðsloysið er vaksið eitt vet, er framvegis nógv arbeiði í landinum.
Mynd: Hagstovan  
 
26.08.2024 - 14:41

Arbeiðsloysið í Føroyum var 1,1 prosent í juli. 

Tað svarar til 328 fulltíðararbeiðsleys. 

Tað vísa nýggjastu hagtølini hjá Hagstovu Føroya. 

Tað er ein lítil vøkstur, tá samanborið verður við juli í fjør. Tá var arbeiðsloysið var 0,7 prosent, ella 215 fulltíðararbeiðsleys.

Hagstovan lýsir ein fulltíðararbeiðsleysan sum ein persón, sum er arbeiðsleysur allan mánaðin. 

Tað merkir, at eru tveir persónar raktir av arbeiðsloysi ein hálvan mánað hvør, telja báðir samanlagt sum ein fulltíðararbeiðsleysur henda mánaðin, skrivar Hagstovan. 

 

357 arbeiðsleys ymisk tíðarskeið

Í juli vóru 357 fólk, sum ymisk tíðarskeið vóru arbeiðsleys. Tað er 110 fleiri enn í juli í fjør.

Sama mánað vóru 36 persónar ella 10,1 prosent av teimum arbeiðsleysu langtíðararbeiðsleys. 

Tað vil siga, at tey hava verið arbeiðsleys í longur enn eitt ár.

Tað er 1,5 prosentstig minni enn í fjør, men átta persónar fleiri eru langtíðararbeiðsleysir, skrivar Hagstovan.

Er kopiera
Nýggjastu sendingar í ÚV
Mánadag 26. august
Nógvar ivasamar dømingar farnu dagarnar
179676
Mánadag 26. august
Morgunlestur mánadagur 26. august 2024
179477
Sunnudag 25. august
Guðstænasta í Fríðrikskirkjuni
179608
Leygardag 24. august
Morgunlestur leygardagur 24. august 2024
179332
Nýggjastu sendingar í SV
Fríggjadag 23. august
Veðrið
179582
Fríggjadag 23. august
Dagur & vika - teknmálstulkað
179571
Hósdag 22. august
UEFA Conference league: KÍ - HJK Helsinki
179547
Mikudag 21. august
Dagur og vika - teknmálstulkað
179455
Týsdag 20. august
Veðrið
179437