Útlendingastovan fær nú avgerðarmyndugleikan

Tann 1. septembur verður avgerðarmyndugleikin yvirtikin, so hesar avgerðir ikki longur skulu takast í Danmark.

Tað merkir ítøkiliga, at tað hereftir verður Útlendingastovan, ið skal taka avgerðir um varandi loyvi og fyribils uppihalds- og arbeiðsloyvi.

Sólva G. Dam

Sólva G. Dam er deildarleiðari á Útlendingastovuni. 

Talan er um allar umsóknir viðvíkjandi familjusameining, arbeiði, sjálvstøðug vinnurekandi, lesandi, starvsnæmingum, granskarum, trúboðarum og samfylgjandi familju teirra og au pair.

Hinvegin fevnir avgerðarmyndugleikin hjá Útlendingastovuni ikki um øll øki, tí mál um visum, friðskjól, útvísing og ríkisborgararætt verða framvegis viðgjørd og avgjørd niðri.

Hoyr innslag í útvarpstíðindunum: 

Tilsamans skulu eini 3.000 mál viðgerast og avgreiðast um árið, og tað svarar í miðal til 12 mál hvønn arbeiðsdag á Útlendingastovuni.