Limur í Reyðu Brigaduni tikin í Argentina

Ein fyrrverandi limur í víðgongda vinstrasinnaða italska bólkinum Reyða Brigadan var handtikin í Argentina í gjár, upplýsa italskir myndugleikar.

Leonardo Bertulazzi, sum er í sjeytiárunum, var handtikin, eftir at argentinskir myndugleikar tóku flóttafólkaheitið frá honum, sum hann fekk í 2004, og italskir myndugleikar bóðu um at fáa hann útflýggjaðan, sigur italska løgreglan.

Italski forsætisráðharrin Giorgia Meloni takkar í fráboðan argentinsku myndugleikunum.

Altjóða eftirlýsing hevur verið við boðum um at handtaka Bertulazzi fyri dráp, álop og frælsistøku.

Hann var í 1987 dømdur 27 ára fongsul, og var handtikin í Argentina í 2002, men var latin leysur aftur fáa mánaðir seinni. 

Reyða Brigadan skipaði fyri álopum og burturflytingum í 1970'unum.

Fleiri tíggjutals dómarar, politikarar, journalistar og stjórar í ídnaðarfyritøkum vóru mál fyri álopunum hjá Reyðu Brigaduni.