Nógv minni makrelur

Minni makrelur er nú í Norðurhøvum.

Tað vísir árliga kanningin hjá Noregi, Danmark, Íslandi og Føroyum.

Hon sigur, at vísitalið fyri makrel í Norðurhøvum er 42 prosent minni enn í fjør. 

Hetta er annað árið á rað, at tølini minka, skrivar Havstovan.

Síðani 2020 er vísitalið minkað 80 proesnt.

Makrelurin fer longur og longur eystur.

Í ár er vestara markið við eysturlandið í Íslandi. 

Eisini er minni makrelur norðarlaga í kanningarøkinum.

Makrelurin er nú mitt í Norðurhavinum.

Ein minking er eisini at síggja í føroyskum øki.

Í Norðsjónum er vísitalið 18 prosent minni enn í fjør.

Vísitalið hjá norðhavssild er eisini minni. Tað er 24 prosent minni enn í fjør. 

Vísitalið hjá svartkjafti er tað sama sum í fjør. 

Stovnsmetingarnar hjá ICES koma um ein mánað, skrivar Havstovan.