- Tíðindi, mentan og ítróttur
Búskaparráðið: Neyðugt at gera nýskipanir í almenna geiranum
Búskaparráðið: Neyðugt at gera nýskipanir í almenna geiranum
Ráðið mælir til fíggjarpolitiskt regluverk, og tað er umráðandi, at kommunurnar eisini vera við í regluverkinum
Nýggja Búskaparráðið var valt í mai.
02.09.2024 - 10:02
Búskapurin er framvegis undir trýsti.
Tað er boðskaðurin í heystfrágreiðingini hjá Búskaðarráðnum.
Neyðugt er, at politiska skipanin fer undir nýskipanir í almenna geiranum, sigur Búskaparráðið.
Millum annað at endurskoða, hvussu eldraøkið verður fíggjað.
Eldraøkið er hjá kommununum.
Tí hevði verið skilagott, um landspolitisku myndugleikarnir endurskoðaðu økið.
Ivasamt er, um allar kommunur klára at lyfta eldraøkið, sigur Búskaparráðið.
Johnny í Grótinum er formaður í Búskaparráðnum. (Mynd: Bjarni Árting Rubeksen)
Taka fiskavirkisskipanina av
Búskaparráðið heldur, at politikarar eiga at gera broytingar og nýskipanir, sum gera arbeiðsútboðið størri.
Ein háttur at gera tað er at avtaka fiskavirkisskipanina, tí hon skeiklar arbeiðsmarknaðin.
Hon ger, at fólk ikki skunda sær til onnur øki, sum hava brúk fyri arbeiðsmegi.
Regluverk
Búskaparráðið mælir politisku skipanini til at koma við einum fíggjarpolitiskum regluverki.
Tað skal tryggja, at tamarhald fæst á útreiðsluvøkstrinum. Og tað er umráðandi, at kommunurnar eru við í regluverkinum, sigur Búskaparráðið.
Ein háttur at økja um arbeiðsútboðið er at hækka pensjónsaldurin.
Og arbeiðsvikan skal ikki styttast, fyrr enn nærri er greinað, hvussu tað ávirkar arbeiðsútboðið.
Búskaparráðið hevur ikki eitt orð um Suðuroyartunnilin í heystfrágreiðing sínari.
(Mynd: Bjarni Árting Rubeksen)
Meiri verður at frætta í útvarpstíðindunum á middegi, tá Johnny í Grótinum, formaður í Búskaparráðnum verður í útvarpsstovuni.
Er kopiera
Nýggjastu sendingar í ÚV
Nýggjastu sendingar í SV
