Kunnu koyra í Dalstunlinum, um játtanir verða framskundaðar

Stjórin í Landsverki mælir til at flyta játtanina til tunnilin næsta ár og í 2026 fram, so arbeiðið verður skjótari liðugt

Dalstunnilin var skotin ígjøgnum í november í fjør. (Savnsmynd)

Sigurjón Einarsson

05.09.2024 - 08:23

Landsstýrismaðurin í samferðslumálum, Dennis Holm, sigur, at hann vil, at Dalstunnilin verður gjørdur so frægt liðugur, at tað er farandi í honum, áðrenn veturin kemur, so fólk sleppa undan at koyra í Dalsbergi.

Stjórin í Landsverki, Marjun Weihe Thomassen, sigur hinvegin, at tað veldst um, hvussu stóra eykajáttan stovnurin fær, um tað skal verða koyrandi í tunlinum, hóast hann ikki er heilt liðugur.

Marjun Weihe Thomassen, Landsverk

Marjun Weihe Thomassen er stjóri í Landsverki. (Mynd: Bárður Lydersen)

Í ár eru 25 mió. kr. játtaðar til verkætlanina, og eftir verandi íløguætlan verða 35 mió. kr. játtaðar í 2025 og at enda 30 mió. kr. í 2026.

Hóast ætlanin er at gera vegirnar í tunlinum í 2025 og 2026, og at leggja inn tekniskar installatiónir, trygdarútgerð og ljós í 2026, tá tunnilin væntandi verður liðugur, so heldur stjórin í Landsverki, at tað ber til at fáa tunnilin lidnan nógv skjótari, um fíggingin verður verður flutt fram.

Hoyr innslag í útvarpstíðindunum:

05092024_Dalstunnilin