Vikukjakið: Dýrt, skil og munnin ov fullan

Ein nevnd úr heimastýrislógini skal nú taka støðu til sjálvstøðugan, føroyskan limaskap í WTO. Men snýr málið seg bert um handilspolitikk, ella er hetta eisini fullveldispolitikkur ballaður inn í jura?

Gerandisdagurin hjá skúlabørnum er byrjaður aftur - við matpakkum, skúlatingum, frítíðarítrivum og avtalum. Men tað eru ikki bert foreldur, ið hava úr at gera. Tað hava lærararnir eisini, og onkuntíð í so nógv, heldur Torfinn Højgaard, fyrrverandi lærari. Áleggja foreldur skúlanum ov nógvar uppgávur, sum foreldrini eiga at taka sær av? 

Enn ein døpur Búskaparfrágreiðing er løgd fram. Búskaparráðið roknar við, at hallið á fíggjarlógini verður 560 milliónir krónur í ár og 480 milliónir næsta ár. Verður úrslitið fyri 2023, 400 milliónir í halli, tikið við, nærkast hallið á hálvari aðru milliard krónur. Hví megna politikararnir ikki at venda gongdini, og hvat kann landsins leiðsla gera fyri at minka um hallið? 

Vikukjakið snýr seg um WTO, skúla/foreldrasamstarv og hallið á fíggjarlógini.