- Tíðindi, mentan og ítróttur
HSF flytur í Tjarnir
HSF flytur í Tjarnir
Nú er komið endaliga upp á pláss, at Hondbóltssambandið flytur alt sítt virksemi í nýggj høli í stórhøllini Tjarnir, sum verður liðug síðst í januar mánaði.
Andrass Thomsen, stjóri í Hondbóltssambandinum, sum altso síðst í januar mánaði kann flyta inn í spildurnýggj høli í stórhøllini Tjarnir, sum tá er liðug.
Mynd: Hilmar Jan Hansen
21.09.2024 - 17:48
Síðani ÍSF-húsið varð rivið niður fyri fýra árum síðani, tí pláss skuldi gerast fyri langhylinum í Havn, hevur Hondbóltssambandið húsast á Frúutrøð.
Men tær umstøðurnar hava ikki verið meira enn næstbest, so tí kemur tað væl við, at hóskandi umstøður í allar mátar fáast til alsamt vaksandi virksemið í hondbóltinum.
- Tað, sum hondbóltsfólkini kanska gleða seg mest til, er sjálv høllin og karmarnir um teir dystir, ið har fara at verða spældir, sigur Andrass Thomsen, stjóri í Hondbóltssambandinum.
- Serliga til landsliðsvirksemið kemur væl við at fáa nýggjar og størri umstøður, ið eisini geva fleiri fólkum møguleikan at síggja og uppliva altjóða hondbólt í Føroyum.
Her kanst tú hoyra samrøðu við Andrass Thomsen:
2024-09-21-Andrass-Thomsen
Er kopiera
Nýggjastu sendingar í ÚV
Nýggjastu sendingar í SV
