30 fleiri í fólkaskúlanum

7.050 næmingar eru í fólkaskúlunum hetta skúlaárið.

Aftrat teimum eru 150 í frískúlum og 64 í skúlanum á Trøðni.

Í fólkaskúlunum eru 263 næmingar í serflokki.

Skúlin á Fløtum er tann størsti. Har eru 800 næmingar.

Húsar/Syðradalsskúli er tann minsti. Í honum eru tveir næmingar.

Í farna skúlaári vóru 7.020 næmingar í fólkaskúlanum, 30 færri enn í hesum skúlaárinum. 

Tá vóru 240 í serflokki, 23 færri enn í ár.

61 vóru í skúlanum á Trøðni og 167 í frískúlum.