Mál um tvígiftu fyri rættin

Bigami, tvígifta, er ikki vanligt orð í Føroya rætti.

Kanska hevur tað ongantíð verið brúkt har fyrr.

Men nú stendur tað í rættarlistanum.

Eitt mál um bigami stendur at skula viðgerast 3. oktober. 

Men tað verður helst ikki viðgjørt tann dagin, tí verjin fer at biðja um útseting, sum skilst í tveir mánaðir.

Eisini gift í heimlandinum 

Talan er um útlendska kvinnu, sum bleiv gift í Føroyum, hóast hon, sambært ákæruni, var gift í heimlandinum.

Í revsilógini stendur, at tann, sum longu er giftur og gongur í hjúnalag, verður revsaður við fongsli í upp til trý ár, ella um hin persónurin hevur verið óvitandi um verandi giftu, við fongsli í upp til seks ár.

Verður gerðin framd av grovum ósketni, er revsingin fongsul upp til eitt ár.