Barsilsgjaldið skal fylgja prís- og lønarvøkstri og soleiðis hækka

Hámarksútgjaldið hjá Barsilsskipanini skal javnast hvørt ár samsvarandi prís- og lønarvøkstri.

Hon skal javnast fyrstu ferð 1. januar 2025.

Javningarprosentið í ár er 3,8.

Tað er uppskotið hjá Fólkaflokkinum, sum kom í tingið í gjár.

Flokkurin heldur ikki, at neyðugt er at hækka inngjaldið, hóast útgjaldið hækkar. 

Í kunngerð hevur landsstýrisfólkið loyvi til at broyta hámarksútgjaldið, so tað samsvarar lønargongdini.

Men hendan heimildin er ongantíð brúkt. 

Við hesum uppskotinum verður sett í barsilslógina, at útgjaldið skal javnast á hvørjum ári, og tí er verandi heimild ikki neyðug longur og verður strikað, sigur Fólkaflokkurin.