Nýggj føroysk matarskipan til 11.000 børn

Mikudagin verður tiltak í Norðurlandahúsinum, sum hevur til endamáls at lýsa hvussu ein matarskipan fyri alt landið kann ávirka føroyska samfelagið í sambandi við heilsu, trivnað, landbúnað og staðbundna matframleiðslu. Tað eru Joan Sørensen og Gaia, ið stíla fyri.

Gaia verður lýst sum eitt almannagagnligt samtak, ið arbeiðir fyri at menna eina matarskipan fyri børn og ung í almennum stovnum og skúlum í Føroyum, ið er sjálvbjargin, burðardygg og føðslurøtt.

Joan Sørensen er sannførd um, at tað væl ber til at skipa eina matarskipan til øll børn í Føroyum.

Fyrimunir, sum hon sær, eru millum annað, at børnini fáa heilsugóðan kost, men eisini at stimbra staðbundna framleiðslu í Føroyum.

Tiltakið er í Skálanum í Norðurlandahúsinum mikudagin, 2. oktober, frá klokkan 13 til 15.