Heimild til tænastugjald á tóm hús kemur til várs

Kommunurnar vilja fegnar fáa heimild til at kunna leggja tænastugjald á summarhús og tóm hús í kommununi. Tann heimildin er á veg.

Ætlanin var at fáa lógaruppskotið, sum skal geva kommununum hesa heimildina, í Løgtingið í heyst, men tað verður ikki fyrr enn næsta ár.

Bjarni Kárason Petersen, landsstýrismaður í lógarmálum, sigur í stuttari viðmerking, at ætlanin er at fáa uppskotið til ummælis í heyst, og so verður tað væntandi lagt fram fyrst í 2025.

Sambært kommunukanningini hjá Kringvarpinum og Lóðri er stórur meiriluti millum fólk fyri at geva kommununum heimild at leggja tænastugjøld á summarhús og hús, sum standa tóm. Tveir av trimum føroyingum, ella 67 prosent, taka undir við ætlanini.

Lesið meira um tað her