Ástaðarfundur um Tjørnuvíkartunnilin

Ástaðarfundur verður við bygdarhúsið í Tjørnuvík hósdagin í næstu viku.

Til viðgerðar er umsókn frá Landverki um loyvi at gera tunnil millum Haldórsvík og Tjørnuvík. At gera atkomuveg báðumegin tunnilin, og arbeiðspláss við tunnilsmunnan í Haldórsvík.

Kristjan Martin Joensen, sýslumaður, hevur vegna náttúrufriðingarnevndina boðað til fundar.

Eigarar, brúkarar ella onnur, sum hava rættindi, kunnu koma á fundin.

Ella tey kunnu lata inn síni sjónarmið skrivliga, sigur Kristjan Martin Joensen, sýslumaður.

Tey, sum hava fingið fundarboð, og ikki koma á fundin, eiga rætt til skrivliga at senda nevndini umrøðu um málið.

Umrøðan skal í seinasta lagi vera sýslumanninum í hendi fundardagin, sum er í hósdagin í næstu viku.