Fimta skipið hjá Sandship

Sandship í Fuglafirði hevur keypt fimta farmaskipið.

Skipið er bygt í Niðurlondum í 2001 og eisini keypt haðani. Tað lastar 3.000 tons. 

Felagið hevur fingið sær eitt skip aftrat, tí eftirspurningurin uttanlands er vaksandi.

Jørgin Jacobsen, stjóri í Sandship, sigur, at skipið, sum felagið nú hevur keypt, er í sera góðum standi.

Tað verður umbygt til sjálvlossara, áðrenn tað fer í sigling tíðliga í komandi ári. 

Skipið verður skrásett í Føroysku altjóða skipaskrásetingini.