Flýddi úr Ukraina - takksom fyri at uppihaldsloyvini verða longd

Ukrainska Ksenia Kara, sum flýddi til Føroya á sumri í 2022, er takksom fyri, at politiski myndugleikin arbeiðir við at leingja fyribils uppihaldsloyvini hjá ukrainsku flóttafólkunum í Føroyum, so loyvini nú verða galdandi til 17. mars í 2026.

Men hon hevði viljað, at politiski myndugleikin arbeiddi við møguleikanum at geva ukrainsku flóttafólkunum í Føroyum varandi uppihaldsloyvi, tí hon sær sína framtíð her í Føroyum, serliga nú dóttirin er fallin so væl til í landinum. 

Formaðurin í Reyða Krossi Føroya heldur eisini, at politiska skipanin átti at umhugsað at geva ukrainsku flóttafólkunum í Føroyum varandi uppihaldsloyvi, tí fleiri av teimum hava einki at fara heim aftur til.

Hoyr innslag í útvarpstíðindunum: