- Tíðindi, mentan og ítróttur
Samferðslan spakuliga í gongd aftur
Samferðslan spakuliga í gongd aftur
Um middagsleitið verða fyrstu leiðirnar hjá Strandferðsluni settar aftur í rutu, men samferðslan kemur ikki í rættlag aftur í dag.
Smyril siglur fyrsta túrin av Krambatanga klokkan 17:30. Savnsmynd.
24.11.2024 - 11:36
Longu í gjár boðaði Strandferðslan frá, at øll samferðsla á sjógvi og landi er avlýst í morgun. Orsøkin er ringa veðrið.
Um middagsleitið í dag kemur so smátt gongd á aftur samferðsluna.
-Men roknast skal við avlýsingum allan dagin í dag, og møguliga eisini í morgin, tá veðurforsøgnirnar eisini siga frá ringum veðri, sigur Marin Gaardlykke, ferðslusamskipari.
Smyril siglir fyrsta túrin av Krambatanga norður til Havnar klokkan 17:30 seinnapartin.
Til ber at fylgja við samferðsluni, og møguligum avlýsingum, á heimasíðuni hjá Strandferðsluni.
Marin Gaardlykke, ferðslusamskipari hjá Strandferðsluni, dregur soleiðis samanum støðuna:
Marin_Gaardlykke_241124
Er kopiera
Nýggjastu sendingar í ÚV
Nýggjastu sendingar í SV
