St. Jakobshalle karmur um føroysku EM-dystirnar

Tað verður í St. Jakobshalle í Basel, at føroysku kvinnurnar skulu spæla EM-hondbólt fyri fyrstu ferð

26.11.2024 - 13:12

Tá føroysku hondbóltskvinnurnar traðka út á vøllin til sín fyrst EM-dyst ímóti Sveis, verður tað í St. Jakobshalle í Basel.

Talan er um nýmótans stórhøll, sum kann hýsa alskyns tiltøkum sum t.d. konsertum, leikum og ikki minst ítrótti.

Tá alt er íroknað er høllin 20.000 fermetrar. Undir endaspælinum er pláss fyri smáum 7.000 áskoðarum, so tey umleið 400-500 føroysku viðhaldsfólkini skulu rópa hart, um tey skulu hoyrast framum heimaáskoðararnar undir fyrsta dystinum fríggjadagin.

St. Jakobshalle hýsir ikki bert føroyska bólkinum (bólkur D), men eisini C-bólkinum, har Frakland, Spania, Pólland og Portugal kappast.

sjh_hallen_arena-neu.jpg

Frítekst tagging:

Ítróttur

EM24

St. Jakobshalle

Hondbóltshøllin í St. Jakobshalle tekur smáar 7.000 áskoðarar til EM-endaspælið, har tey 400-500 føroysku viðhaldsfólkini ivaleyst fara at hoyrast væl. MYND: stjakobshalle.ch

Basel hevur nógv at bjóða uppá

Sveisiski vertsbýurin, Basel, er kendur sum mentanarhøvuðsstaðurin í miðevropeiska landinum.

177.000 fólk búgva í býnum, sum liggur norðarlaga har sveisiska, týska og franska markið renna saman, og ivaleyst er at gera hjá føroyingunum dagarnar undan og ímillum EM-dystirnar.

Millum annað bjóðar Basel upp á meir enn 40 listasøvn, og hesa tíðina valdar hátíðarhugni við stórum jólamarknaðum á Münsterplatz og Barfüsserplatz við Rínánna, sum rennur ígjøgnum býin.