Ikki neyðugt við eykajáttan at afturrinda heilsutrygdargjøld

Tað krevur onga eykajáttan á fíggjarlógini til Heilsutrygd, nú stovnurin stendur at skula afturrinda heilsutrygdargjøld fyri meira enn 22 milliónir krónur.

Tað sigur Súsanna Bertholdsen, landsstýriskvinna í heilsumálum.

Sambært útrokningum hjá TAKS standa 1.293 persónar til at fáa tilsamans 22,3 milliónir krónur afturrindaðar frá Heilsutrygd.

Í lógaruppskotinum verður sagt, at TAKS noyðist at seta sjey ársverk av til at avgreiða allar umsóknirnar um afturgjald, men neyðugt verður ikki at seta fleiri starvsfólk.

Hoyr innslag í útvarpstóiðindunum:

Ein sonevnd sólseturáseting er i lógaruppskotinum, sum merkir, at lógin fer úr gildi aftur 1. januar 2026. Tað merkir, at um onkur sendir inn umsókn um afturgjald eftir 1. januar 2026, hevur viðkomandi ikki rætt til afturgjald.