Biðja um eykajáttan at umvæla løgtingsbygningin

Løgtingið fer at biðja løgtingið um eykajáttan næsta ár til at umvæla løgtingsbygningin.

Fyribils verður játtanin ein millión til ráðgeving og projektering.

Tað sigur formansskapurin í skrivi til fíggjarnevndina.

Tvey tilboð

Løgtingið bað fýra veitarar koma við tilboði um ráðgeving og projektering í sambandi við arbeiðið at gera klædningin á umsitingarbygninginum hjá løgtinginum. Tvey tilboð komu.

Tá avgjørt er, hvussu arbeiðið skal gerast, verður tað boðið út.  

Arbeiðið skal byrja næsta vár.

Betongið í umsitingarbygninginum er kannað, og niðurstøðan er, at tað er ov vánaligt til at festa pláturnar beinleiðis á tað. Tí má onnur loysn finnast. 

glaspláturnar, glaspláturnar hjá Løgtinginum umvalast, Løgtingið

Frítekst tagging: 

løgtingið

Bjarni Árting Rubeksen

glaspláturnar

glaspláturnar hjá Løgtinginum umvalast

løgtingið

Glaspláturnar, sum nú standa í einum kjallara, komu í 2006. (Mynd: Bjarni Árting Rubeksen)

Pláturnar tiknar niður

Fyribils standa glaspláturnar í kjallaranum í bygninginum hjá Havnar arbeiðarafelag, sum løgtingið leigar.

Pláturnar vóru tiknar niður í apríl og mai.

Tað var beint fyri ólavsøku í fjør, at petti av einari plátu duttu niður á gongubreytina við Tinghúsvegin.

Og fyrr í fjør summar datt ein pláta av á hinari síðuni á bygninginum. 

Glaspláturnar komu í 2006.