Jan Højgaard heldur fram sum formaður

Jan Højgaard heldur fram sum formaður í Føroya Fiskimannafelag

Freistin at stilla upp til formansvalið var úti á middegi í dag, og tá var greitt, at Jan Højgaard er einasta valevni.

Tað skrivar heimasíðan hjá Fiskimannafelagnum. 

Formansval í Fiskimannafelagnum er triðja hvørt ár. 

Jan Højgaard er av Nesi í Eysturoynni, og er 59 ára gamal.

Jan Højgaard vann formanssessin fyrstu ferð á formansvalinum, veturin 2006-2007, og hevur verið formaður í Fiskimannafelagnum síðani.