Løgreglan kannar mál um valsvik

Málið um valsvik í Runavíkar kommunu á kommunuvalinum 12. november verður framvegis kannað, sigur Michael Boolsen, fúti.

Hann veit ikki at siga, nær kanningarnar eru lidnar.

Jonhard Danielsen í Oyndarfirði meldaði valsvik til politiið.

Í fínteljingini misti Jonhard Danielsen eina atkvøðu, sum hoyrdi til valstaðið í Oyndarfirði.

Tað gjørdi, at hann og Jóhan Vest høvdu eins nógvar atkvøður.

Lutakast var tí. Og tað vann Jóhan Vest.

Runavíkar býráð

Runavíkar býráð hevur samtykt at staðfesta niðurstøðuna hjá valnevndini, sum sigur, at valúrslitið eigur at vera standandi eins og kunngjørt var eftir fínteljingina.

Hevur atkvøðuseðilin

Politiið hevur atkvøðuseðilin, talan er um. 

Hetta er fyrstu ferð í Føroyum, at valsvik er meldað.

Býráðið í Runavík staðfesti niðurstøðuna hjá valnevndini.

Niðurstøðan er, at valúrslitið eigur at vera standandi eins og kunngjørt var eftir fínteljingina.

Jonhard Danielsen kærdi eisini býráðsvalið.