Nevndarformaðurin í SEV: Oljuavgjald er bara eykaskattur

Eitt sokallað oljuavgjald, sum ikki verður nýtt í burðardygga virkisøkinum, er bara eykaskattur, sum tekur pening úr skipanini og leggur fót fyri grønu kósina.

Tað er meiningsleyst, sigur Kári Johansen, nevndarformaður í SEV.

Oljuavgjaldið fer næsta ár at kosta SEV 55 mió. kr.

Tað er í roynd og veru eitt avgjald á el, sigur Kári Johansen.

Ógreiður politikkur

Hann heldur, at politikkurin hjá landinum um burðardygd er heldur ógreiður.

SEV brúkar tungolju fyri 216,9 mió.kr. í ár.

Oljuavgjaldið er 42,6 mió.kr., tvs. 19,6 prosent.

Oljuavgjaldið hækkaði nógv í ár, - úr 10 oyrum upp í 90 oyru liturin.

Og næsta ár fer tað upp í 1,15 kr. fyri liturin.