Vónbrot í Japan

Í Japan eru tey vónbrotin um, at Danmark ikki vildi lata teimum Poul Watson.

Poul Watson var í gjár leyslatin úr varðhaldinum í Grønlandi, eftir at hava sitið har í fimm mánaðir.

Tað var danska løgmálaráðið, sum tók avgerð um ikki at lata Japan Poul Watson, sum landið annars hevði biðið um.

- Vit eru hørm um avgerðina, at danska stjórnin ikki vil lata okkum Watson, sum vit bóðu um, sigur talsmaðurin fyri japansku stjórnina Yoshimasa Hayashi sambært Reuters og AFP-tíðindastovuni.

Danmark hevur ikki avtalu við Japan um at útflýggja fólk.