Prísirnir hækka minni

Prísvøksturin í Føroyum heldur fram, men prísirnir hækka ikki líka skjótt, sum teir hava gjørt.

Prísvøksturin er vaksin 0,8 prosent frá novembur í fjør til novembur í ár.

Brúkaraprístalið mátar prísgongdina á vørum og tænastum, sum eru partur av nýtsluni hjá húsarhaldunum.

Brúkaraprístalið er nú 143,5. Størsti vøksturin, 4,1 prosent, er í høvuðsbólkinum “Matur og drykkjuvørur”, og har er prístalið nú 166,6.

Men í høvuðsbólkinum “býli” er prístalið fallið 4,2 prosent, so tað nú er 150,7.

Miðalprísvøksturin hetta seinasta árið hevur verið tvey prosent.