Hækkar 100 prosent afturvirkandi

Tað fer at kosta dupult so nógv at bíða eftir grundstykki í Klaksvíkar kommunu.

Tað hevur higartil kostað 2.500 kr. at vera á bíðilistanum.

Tað gjaldið hækkar upp í 5.000 kr. og tað er við afturvirkandi gildi.

Tað er, at tey, sum longu eru á listanum, skylda kommununi 2.500 kr., vilja tey varðveita plássið á listanum.

Reglugerðin fyri grundstykkjalistan er eisini dagførd.

Millum annað er orðið fastogn komið í hana.

Nú er eingin ivi um, at talan er um alla fastogn, sum fólk kunnu hava sum fastan bústað.