Torkil skal stýra súkklarunum

Fyrrverandi yrkissúkklarin Torkil Veyhe skal venja føroyska landsliðið í súkkling og triatlon til 2027, skrivar Sersambandið fyri Súkkling og Triatlon.

Størstu altjóða uppgávurnar hetta tíðarskeiðið eru Oyggjaleikirnir næsta ár í Orknoyggjum og leikirnir í Føroyum í 2027.

Torkil Veyhe vísti sínar súkkludygdir á Oyggjaleikum við m.a. gullheiðursmerki í einkultstarti í Jersey og Gotlandi í ávíkavist 2015 og 2017, og í fleiri ár royndi hann seg sum yrkissúkklari.

- Vónin er, at fjølbroyttu royndirnar og førleikarnir hjá Torkili fara at hjálpa okkara fremstu súkklu- og triatloníðkarum at mennast enn meiri, skrivar sst.