Løgtingsins umboðsmaður finst at Almannaverkinum

Løgtingsins umboðsmaður finst at Almannaverkinum
Tað er atfinningarsamt, at Almannaverkið ikki alt fyri eitt skipaði viðurskiftini sambært avgerð hjá tvingsilsnevndini
Løgtingsins umboðsmaður finst at Almannaverkinum.
 
31.12.2024 - 09:41


Tað er atfinningarsamt, at Almannaverkið ikki alt fyri eitt skipaði viðurskiftini sambært avgerð hjá tvingsilsnevndini, sum ikki góðkendi eitt tilmæli frá Almannaverkinum um at brúka hjálparráð til eitt barn á stovni.

Tað heldur Løgtingsins umboðsmaður, sum var á trimum stovnum, sum veita umlætting til børn, sum ikki eru undir barnavernd.

Hóast tvingsilsnevndin ikki góðkendi, at hjálparráð var brúkt, var tað brúkt kortini.

Stovnsleiðslan segði starsvfólkatrot vera orsøkina.

Umboðsmaðurin heldur, at tað er sjálvsagt, at myndugleikar skipa síni viðurskifti soleiðis, at teir eru førir fyri at lýða og laga seg eftir avgerðum hjá Føroya kærustovni, sum hevur yvirtikið tvingsilsnevndina. 

Umboðsmaðurin helt tað vera atfinningarsamt, at Almannaverkið, sum visti um støðuna hjá stovninum viðvíkjandi inntrivinum, sum helt fram, ikki alt fyri eitt skipaði viðurskiftini eftir avgerðini hjá tvingsilsnevndini.

Umboðsmaðurin biður Almannaverkið um at tryggja sær, at avgerðir um inntriv frá Føroya kærustovni vera lýddar.

Løgtingsins umboðsmaður hevur eisini viðmerkingar um flutningstænastu, verju av privatlívi, skúlagongd og hølisumstøður.


 

Er kopiera
Nýggjastu sendingar í ÚV
Fríggjadag 7. februar
Vikuskiftið 7 februar 2025
187506
Fríggjadag 7. februar
Brot úr Føroya søgu
187467
Fríggjadag 7. februar
Breddin: Grønland
187466
Fríggjadag 7. februar
Góðan morgun Føroyar
187465
Fríggjadag 7. februar
RagnarRokk:Steffen Kummerer um A Sonication
187395
Nýggjastu sendingar í SV
Fríggjadag 7. februar
Veðrið
187497
Fríggjadag 7. februar
Jazzygold og Løgmaður
187369
Fríggjadag 7. februar
Heim, kæra heim (3:3)
187463
Mikudag 5. februar
Dagur og vika - teknmálstulkað
187371
Týsdag 4. februar
Veðrið
187342