Føroya Symfoniorkestur hevur nógv á skránni komandi mánaðirnar

Fríggjakvøldið og leygarkvøldið fer Føroya Symfoniorkestur við kóri og solistum at hava árligu nýggjárskonsertirnar í Norðurlandahúsinum, og tónleikaskráin er bæði undirhaldandi og spennandi, sigur Hans Petur í Brekkunum, stjóri í Føroya Symfoniorkestri.

Tað verður Susanne Andersson, sopranur úr Svøríki, ið verður solistur, og eisini verður høvið at hoyra saxofonspælaran, Kristinu Thede Johansen.

Bernharður Wilkinson stjórnar orkestrinum, meðan Tóra Vestergaard venur kórið.

Nýggjárskonsertin leygarkvøldið verður eisini sjónvarpað beinleiðis í KvF, og tá verður eisini ein serlig hátíðarløta.

Nógv á skránni komandi mánaðirnar

1. mars verður høvið at hoyra Føroya Symfoniorkestur í nýggju stórhøllini Við Tjarnir, har ið 3.000 áhoyrarar vera til staðar.

Føroya Symfoniorkestur og kórið vera eisini við á Várkonsertini, har ið tey fara at framføra stórverkið Requiem eftir Verdi, og seinri verður høvið at hoyra Veiðavind, og tað verður bæði í Norðurlandahúsinum og í Varpinum.

Tú kanst hoyra samrøðuna við Hans Petur í Brekkunum her!