Viðgera kæruna um Dennis Holm hósdagin

Hósdagin fer landsstýrismálanevndin at viðgera kæruna um Dennis Holm, landsstýrismann.

Fyrst í mai í fjør kærdi Árni Skaale, tingmaður, Dennis Holm til landsstýrismálanevndina, tí hann læt 35.000 tons av svartkjafti sum felagskvotu við hámarki.

Tað hevur landsstýrismaðurin ikki heimild til, stendur í kæruni. 

Í farnu viku hitti nevndin Kristinu Samuelsen, advokat, sum hevur ráðgivið nevndina um málið. 

Síðan fór nevndin hvør til sítt, áðrenn hon skuldi hittast aftur til at taka avgerð um hvat skal henda víðari.

Nú er avtalað at hava fund hósdagin.