Náðar fimm fólkum á sínum síðsta arbeiðsdegi

Náðar fimm fólkum á sínum síðsta arbeiðsdegi
Harímillum borgararættindastríðsmannin Marcus Garvey, sum annars doyði í 1940
 
19.01.2025 - 18:18

Í dag er síðsti dagur við Joe Biden sum forseta í USA, og seinasta dagin hevur hann valt at náða fimm fólkum afturat, skriva Hvítu Húsini í eini fráboðan.

Talan er millum annað um borgararættindastríðsmannin Marcus Garvey, sum annars doyði í 1940.

Garvey var ein jamaikiskur aktivistur, sum stovnaði Universal Negro Improve Association (UNIA) í 1914. Í 1920-árunum hevði UNIA yvir seks milliónir limir í 40 londum.

Garvey vildi millum annað gera enda á koloniseringini í Afrika.

Men í 1923 varð hann dømdur fyri svik í USA. Hann varð ákærdur fyri at hava roynt at selt partabrøv fyri felag sítt, Black Star Line, til ein ov høgan kurs. Men fleiri søgufrøðingar hava hildið, at Garvey varð dømdur av politiskum orsøkum.

Eftir trý ár í fongsli varð hann leyslatin og útvístur til Jamaika.

Joe Biden styttir eisini revsingina hjá tveimum øðrum fangum, sum hava sitið í fongsli síðan 1990-ini. Annar av teimum hevði fingið 111 ára revsing.

Báðir verða nú leyslatnir í februar við teirri grundgeving, at teir eru endurmennaðir, skriva Hvítu Húsini.

Joe Biden er tann amerikanski forsetin, sum hevur náðað og broytt dómin hjá flest fólkum.

Er kopiera
Nýggjastu sendingar í ÚV
Mikudag 11. november
Dansival 11 nov 2026
216272
Mikudag 11. november
Vágskálin: Millum veruleika og óveruleika
215895
Mikudag 11. november
Skratsj 11. novembur 2026
216266
Mikudag 11. november
Mono - 90'ini undir lupp (2:4)
216264
Mikudag 11. november
Eg kendi meg sum greinina
216035
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Týsdag 10. november
Veðrið
216210
Mánadag 9. november
Veðrið
216154
Sunnudag 8. november
Bygdarlív 3 - Skálavík
216096